Канад улс нь дэлхийд тэргүүлэх чанартай боловсролын системтэй, олон улсын оюутнуудад ээлтэй, аюулгүй, амьдрахад таатай орчин бүрдүүлсэн орон юм. Хэлний бэлтгэлээс эхлэн их, дээд сургуульд элсэн суралцах хүртэл олон шатлалт, уян хатан хөтөлбөртэй. Оюутнууд суралцах хугацаандаа долоо хоногт 20 цаг ажиллах эрхтэй бөгөөд сурч байх хугацаандаа ч, төгссөний дараа ч цаашдын карьераа Канад улсад үргэлжлүүлэх өргөн боломжтой. Байгалийн үзэсгэлэн, олон үндэстний соёл хосолсон амьдрах орчин нь суралцах хугацааг илүү сонирхолтой, хөгжөөнтэй болгодог.

Канад улсад сурах давуу талууд

Чанартай боловсрол, англи хэлний орчин

Канадын хэлний сургууль, коллежууд олон улсын стандартад нийцсэн хөтөлбөрөөр заадаг бөгөөд англи хэлээр амьдарч, суралцах байгалийн орчин нь хэлний мэдлэгийг богино хугацаанд сайжруулдаг.

Аюулгүй, олон соёлт нийгэм 

Канад улс нь дэлхийд хамгийн аюулгүй, найрсаг орнуудын нэг бөгөөд олон үндэстний соёлт нийгэмд амьдрах нь оюутны нээлттэй сэтгэлгээ, өөртөө итгэх итгэлийг нэмэгдүүлдэг.

Их, дээд сургуульд элсэн суралцах бат бөх суурь

Канадын хэлний бэлтгэл хөтөлбөрүүд нь академик англи хэлний мэдлэгийг цогцоор нь хөгжүүлдэг тул цаашид Канадын их, дээд сургуульд амжилттай суралцах үндэс суурь болдог.

Оюутны хөдөлмөр эрхлэлт ба ирээдүйн боломжууд

Урт хугацааны сургалтын визтэй оюутнууд долоо хоногт 20 цаг ажиллах эрхтэй бөгөөд Канад дахь суралцах, ажиллах туршлага нь ирээдүйд мэргэжлийн чиглэлээр өсөн дэвших, цаашлаад цагаачлах өргөн боломжийг нээдэг.